الرئيسية / رياضة / حسنى عبد ربه مطرود من الاسماعيلية .. تعرف على القصة كاملة
حسنى عبد ربه
حسنى عبد ربه

حسنى عبد ربه مطرود من الاسماعيلية .. تعرف على القصة كاملة

حسنى عبد ربه مطرود من الاسماعيلية .. تعرف على القصة كاملة

 

حسنى عبد ربه دخل أستاد الاسماعيلية يتفرج على ماتش الأتحاد والإسماعيلي بالأمس والذى انتهى بهزيمة

الدراويش بثلاثية مقابل هدف والأمن بتاع الاستاد طروده بره النادي بعد طبعاً ما جتلهم الأوامر من مجلس الادارة.

 

تخيل تبقى أسطورة النادي في سنين عجاف وأسطورة مصر في جيلها الذهبى في وسط الملعب في ظل وجود

عتاوله فى الملعب زي أبو تريكة وأحمد حسن وغيرهم كنت أنت الي بتشوط ضربات الجزاء والفاولات عليهم، رغم

قدرة كل منهم على إتقانها.

بطولة أفريقيا 2008 من أقوى نسخ البطولة على مدار التاريخ بسبب قوة المنتخبات المشاركة وقتها فتقدم بطولة

عظيمة وسط نجوم منتخبك ونجوم باقي المنتخبات زي دروجبا وإيتو وغيرهم فتاخد أحسن لاعب في البطولة.

نهائي أفريقيا 2003 في ظل وجود نجوم الاسماعيلي في الجيل الذهبي في بداية الألفية بتدخل تشوط ضربة

الجزاء في ظل تأخر الفريق بهدفين وأنت لسه 19 سنة والاستاد متقفل على آخره وبكل ثقة بتحطها في حدث اول

مرة يحصل للنادي من 33 سنة .

في 2015 وأنت راجع من 3 صليبي كنت هدف لأحد طرفي العاصمة كاريرك كان ممكن يكون أضعاف ما أنت عليه

وعشان أخترت النادي ضحيت بكل ده لا فلوس عملتها زي جيلك من الأساطير، ولا بطولات خدتها تكلل بيها

مشوارك في الكورة بما يناسب قيمتك ضحيت بكل ده وفي الآخر نهايتك كانت مأسوية.

متربي في النادي من صغرك حافظ كل شبر فيه ويجي بعد كل ده يطردوك من المدرج الي ياما غنيت فيه وأنت

صغير والي ياما أتهتف بإسمك فيه موقف يختصر كل شغل الإدارة في السنين الي فاتت تدمير كل حاجة حلوة في

النادي إهانة اساطيره قتل شغف جمهوره مفيش مشروع ملامحه واضحة هرجلة في هرجلة وسيطرة بالقوة

والنفوذ.

كل ذنب حسنى عبد ربه إن ربيع مجده عاصر سنين عجاف الفريق إتعاملت مع إدارات كانت أخطر على الفريق من

أي منافس وأي حاجة ممكن تتخيلها .

 واضح إن هتاف الجمهور ليك في ماتش الأفريقي “أهو أهو رئيس النادي أهو” تسبب فى حدوث غيرة من قبل

مجلس الادارة تحت قيادة ابراهيم عثمان .

أقرأ أيضاً:-  « بايرن ميونخ » مشوار البطل نحو اللقب الأوروبى واكتساح المنافسين

عن mohamed ayoub

شاهد أيضاً

سواريز

سواريز يودع جماهير برشلونة بالدموع

سواريز يودع جماهير برشلونة بالدموع   أعلن نادى برشلونة الأسبانى رحيل نجمه لويس سواريز إلى …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *